|
Մամուլի հանձնաժողովը ևս ՈՒԽ-ի արմատական օղակն է և գործել է մի քանի փուլերում` հետամուտ լինելով ինֆորմացվածության բարձրացմանը և տարաբնույթ նյութերը յուրօրինակ, ուսանողներին հետաքրքրող մոտեցմամբ ներկայացնելուն: Սկզբնական փուլում հանձնաժողովը հիմնականում աշխատանք էր տանում պատի թերթի հրատարակման ուղղությամբ, իսկ դրան զուգահեռ իրականացնում հայտարարությունների կազմում ուսանողներին հետաքրքրող բազմաբնույթ ինֆորմացիայի որոնումը և տրամադրումը: Անդրանիկ պատի թերթը հրատարակվեց 2003 թվականի մարտին: Թերթում զետեղված էին ՈւԽ-ի գործունեությանը ԲՈւՀ-ի առօրյային, ուսանողությանը վերաբերվող հոդվածներ, որոնք ներկայացվել էին ԲՈւՀ-ի տարբեր կուրսերի ուսանողները: Հաջող մեկնարկը` թերթին տրված գնահատականները և ուսանողների հետաքրքրությունը ու հաջորդ թերթի ստեղծմանը մասնակցելու ցանկությունը, հարթեց առ այսօր պատի թերթի հրապարակման ուղին: Հանձնաժողովը ոտնակոխեց նոր և էլ ավելի հագեցած նպատակային փուլ 2006թ. մարտից,երբ ծնվեց և սկսեց ապրել ''ԱԿՏԻՎ+''-ը: ''ԱԿՏԻՎ+''-ը զգացնել տվեց ՈւԽ-ի և մասնավորոպես մամուլի հանձնաժողովի գոյության և գործունեության անհրաժեշտությունը: Այն ևս մեկ անգամ ամրացրեց կապը ուսանողների և համագործակցող կառույցների, պրոֆեսորադասախոսական կազմի միջև` իրազեկելով ոչ միայան ՈւԽ-ի, այլ նաև ԲՈւՀ-ի առօրյա նվաճումների ծրագրերի մասին: Ամսաթերթի հիմնադրմանը նպաստեց ՈւԽ-ի երկրորդ նախագահ, այժմ պատվավոր անդամ Ղ. Հարությունյանը, գլխավոր խմբագիրն է 5-րդ կուրսի ուսանողուհի, հանձնաժողովի նախագահ Կարինե Գրիգորյանը:
|
