|
2005 թվ. 2 կիսամյակ
Մեր ՈւԽ-ի անձնակազմը 2005թ. երկրորդ կիսամյակի ընթացքում իրեն դրսևորեց հնարավորինս ակտիվ: ՈՒԽ-ի անդամները չխնայեցին իրենց ջանքերը`
անցկացնելու ինտելեկտուալ, ֆուտբոլի և շախմատի ներբուհական առաջնություններ: ՈւԽ-ի գիտական հանձնաժողովն անցկացրեց ամենամսյա
մասնագիտական բանավեճերն ու քննարկումները տարբեր արդիական թեմաների շուրջ:
ՈւԽ-ն իր ակտիվ մասնակցությունն է ցուցաբերել բազմաթիվ`
թե միջբուհական, թե համահայկական միջոցառումներին և դրանց կազմակերպմանը: Մասնակցել է "Հույս, հավատ, սեր", "Ալֆա" հոգևոր բնույթ կրող երիտասարդական
ծրագրերի իրականացման աշխատանքներին, Համահայկական երիտասարդական Էջմիածին-Օշական ուխտագնացությանը, "Ֆենիքս" ինտելեկտուալ
հանրապետական առաջնությանը, որտեղ քաղաքային հավաքականի կազմում մեր ուսանողները ճանաչվեցին լավագույնը, իսկ ԵՊՏԻ ԳՄ "Կապիտալ" թիմը
գրավեց պատվավոր 3-րդ տեղը: Մեր ուսանողները մասնակցել են "Նոր սերունդ" ՀԿ-ի կողմից կազմակերպվող դասընթացներին: ՈւԽ-ն իր մեծ ներդրումն ունեցավ
քաղաքում տեղի ունեցող ընտրություններում` արտահայտելով և ներկայացնելով իր կարծիքը և ստույգ պահանջները: Մեր ՈւԽ-ը, լինելով "Գյումրու
Ուսանողական Խորհուրդ" ՀԿ հիմնադիր և ակտիվ կառույցներից մեկը, Գյումրու ԲՈւՀ-երի ՈՒԽ-երի հետ համատեղ, չանտեսեց նաև նոյեմբերի 17-ը`
ուսանողության միջազգային օրը: Այդ օրը կազմակերպվեցին այցելություններ Հ. Շիրազի, Ավ. Իսահակյանի և Ասլամազյան քույրերի տուն-թանգարաններ,
Գեղագիտության ազգային կենտրոնում` ուսանողական ցուցահանդես: Այնուհետև անցկացվեց ուսանողական համագումար, որը շարունակվեց Գյումրու
պետական դրամատիկական թատրոնում տեղի ունեցող գալա-համերգ մրցանակաբաշխությամբ, որտեղ մեր ԲՈՒՀ-ի "Լավագույն ուսանող" ճանաչվեց ՈՒԽ-ի անդամ,
4-րդ կուրսեցի Կարինե Գրիգորյանը: Նոյեմբերի վերջին ՈւԽ-ի ջանքերով կազմավորվեց ՈւՀԱ-ի նոր թիմը:
|
|
Հասցե: Վ. Սարգսյան 32 | Հեռ. (0312) 3 06 46 | hpth-gm-ux@mail.ru |